Беларуская цэментная кампанія прадставіла сваю прадукцыю на выставе BUDEXPO - 2022

З 16 па 18 сакавіка холдынг "БЦК" браў удзел у 24-й міжнароднай архітэктурна-будаўнічай выставе BUDEXPO-2022 у Мінску. Наведвальнікам быў прадстаўлены ўвесь асартымент прадукцыі прадпрыемстваў Беларускай цэментнай кампаніі, а таксама новае пакаванне цэменту, якое вытрымана ў фірмовых колерах холдынгу і ўжо актыўна выкарыстоўваецца.

Найбуйнейшы форум у профільнай сферы сабраў у выставачным цэнтры "БелЭкспа" каля 60 кампаній з Беларусі і Расіі. Сучасныя тэхналогіі праектавання і будаўніцтва, рамонту і аздаблення, электраабсталяванне, сродкі відэаназірання, кантролю і абмежаванні доступу, хуткаўзведзеныя будынкі і збудаванні, інавацыйныя матэрыялы… На гэтым фоне стэнд «БЦК» зусім не згубіўся. Ужо ў першы дзень выставы з ім азнаёміліся намеснік міністра архітэктуры і будаўніцтва Аляксей Ананіч і старшыня Саюза будаўнікоў Рэспублікі Беларусь Анатоль Нічкасаў.